چیمپیئنز ٹرافی: آسٹریلیا اور بنگلہ دیش کے درمیان میچ بغیر کسی نتیجے کے اختتام پذی

7

انگلینڈ اور ویلز میں جاری آئی سی سی چیمپیئنز ٹرافی کے پانچویں میچ میں بنگلہ دیش اور آسٹریلیا کے درمیان کھیلا جانے والا میچ بارش کی وجہ سے بغیر کسی نتیجے کے اختتام پذیر ہو گیا۔
دونوں ٹیموں کو میچ میں ایک ایک پوائنٹ ملا ہے۔
اس سے پہلے لندن میں اوول کے میدان پر بنگلہ دیش نے ٹاس جیت کر پہلے بیٹنگ کا فیصلہ کیا اور پوری ٹیم 45 ویں اوور میں 182 رنز بنا کر آؤٹ ہوگئی۔
آسٹریلیا کا ہدف کے تعاقب میں اس وقت بارش کی وجہ سے تعطل آ گیا جب 16ویں اوور کے اختتام پر اس کا سکور 83 رنز تک پہنچ گیا تھا۔ اس وقت کریز پر ڈیوڈ وارنر اور سٹیو سمتھ موجود تھے۔
٭ میچ کا تفصیلی سکور کارڈ
آسٹریلیا کے آؤٹ ہونے والے پہلے بلے باز ایرون فنچ تھے جو 19 رنز بنا کر ایل بی ڈبلیو آؤٹ ہوئے۔
بنگلہ دیش کی جانب سے تمیم اقبال نے سب سے زیادہ 95 رنز بنائے۔
آسٹریلیا کی جانب سے سب سے کامیاب بولر مچل سٹارک رہے جنھوں نے ایک ہی اوور میں تین وکٹیں لیں اور مجموعی طور پر چار کھلاڑیوں کو آؤٹ کیا۔

اپنی رائے دیجئے

آپ کا ای میل ایڈریس شائع نہیں کیا جائے گا.